سوني سامسونج نوكيا…احدث الاجهزة…

20140302-190241.jpg

هلا ومرحب ب الجميع…

من خلال هالتدوينة باعرض عليكم اخر الهواتف من سوني وسامسونج ونوكيا اللي تم الاعلان عنها ف برشلونة من اسبوع…

طبعا ب اختصار واسلوب سهل وسلس لايصال الفكرة والمعلومة…والاهم الفائدة…بعيدا عن التفاصيل الدقيقة والتقنية اللي ماراح اتفيد الشخص العادي…

بداية بنتكلم عن تلفون جديد ف السوق
من ناحية المواصفات والفكرة
وهو تلفون نوكيا اندرويد
نوكيا مؤخرا شرتها شركة ميكروسوفت
واجهزتها كلها نظام ويندوز
لكن نوكيا اعلنت عن جهازها الجديد نوكيا
Nokia X
وهو نوكيا ويندوز اندرويد.

ب اختصار الجهاز يشغل برامج والعاب اندرويد واتنزل برامج والعاب من ماركت مخصص ل نوكيا اندرويد.

التلفون بينزل منه ثلاث انواع
Nokia X
Nokia X+
Nokia XL

ك مواصفات وجودة هو يعتبر اقل من فئة اجهزة لوميا Lumia المخصصة ل اجهزة ويندوز.

وسعر Nokia X بيكون رخيص تقريبا ف حدود ٦٠٠ ريال.
الكيمرة ٣ ميقا
الشاشة ٤ انش ‘نفس حجم الايفون’

http://cdn2.gsmarena.com/vv/pics/nokia/nokia-x-1.jpg

اما Nokia XL
نفس المواصفات لكن الشاشه ٥ انش ‘نفس شاشة سامسونج s4 ‘
الكيمرة ٥ ميقا
ب كرتين
سعره تقريبا ٩٠٠ ريال

http://cdn2.gsmarena.com/vv/pics/nokia/nokia-xl-1.jpg

من وجهة نظري
ان نوكيا وميكروسوفت يبغون يجسون النبض ب طرح هذا الجهاز
ويشوفًون الاقبال عليه
واذا نجح بينزلون موديل ب مواصفات وجودة افضل.

والحين جا دور سامسونج
بعد التطورات الكبيرة والتقنيات المتقدمة ف جهاز S4
الاضافات ف جهاز سامسونج S5
مش كثيرة وملحوظة.

– الجهاز نفس حجم الشاشة واكبر ب جزء بسيط وطبعا full HD
– ضد الماء
– الكيمرة ١٦ ميقا وخاصية تصوير فيديو 4K المتقدمة. وهذي التقنية يكون التصوير فيها واضح جدا جدا جدا لكن حجم الملف يكون كبير جدا جدا جدا.

– fingerprint scanner
وهذا ماسح البصمة
نفس اللي ف الايفون لكن الفرق بدال لا تكبس عليه لازم اتمرر صبعك ع الزر.’عشان ابل ماتحشرهم ب قضايا

واستخدامه بدل تحط الارقام السرية…اتمرر صبعك انت فقط ويفتح الجهاز.

– وبتنزل مع التلفون قطعه تلبسها ف يدك
وفيها شاشة
تحسب دقات القلب
تشيك ع درجة الحرارة للمكان
واتشيك ع درجة الرطوبة

موعد نزول الجهاز بيكون شهر ٤

http://cdn2.gsmarena.com/vv/pics/samsung/samsung-galaxy-s5-g900f-1.jpg

http://cdn2.gsmarena.com/vv/pics/samsung/samsung-galaxy-s5-g900f-2.jpg

http://cdn2.gsmarena.com/vv/pics/samsung/samsung-galaxy-s5-g900f-4.jpg

http://cdn2.gsmarena.com/vv/pics/samsung/samsung-galaxy-s5-g900f-7.jpg

وهنا مواصفات الجهاز كاملة

http://m.gsmarena.com/samsung_galaxy_s5-6033.php

من وجهة نظري…الجهاز لاباس فيه
لكن من كل اجهزة السامسونج والموديلات اللي ينزلونها
فقط فئة النوت هي الافضل
وحاليا Note 3
هو افضل جهاز من سامسونج.

وختامها مسك

شركة سوني اعلنت ع جهازها الجديد سوني اكسبيريا زد ٢
Xperia Z2

مقارنة سوني Xperia Z1
وجهاز سوني الجديد Xperia Z2

– الشاشة اكبر ب قليل واوضح بكثيير ب استخدام تقنية افضل.

– البطارية افضل وتقعد مدة اطول

– نفس الكيمرة ٢١ ميقا واضافة تصوير الفيديو بتقنية 4K اللي هي اعلى من HD
واسمها UHD
Ultra High Definition.

وتم اضافة التصوير البطئ وبعض الخواص ف الكيمرة.

طبعا ضد الماء ك سابق الموديلات.

http://cdn2.gsmarena.com/vv/pics/sony/sony-xperia-z2-1.jpg

http://cdn2.gsmarena.com/vv/pics/sony/sony-xperia-z2-2.jpg

http://cdn2.gsmarena.com/vv/pics/sony/sony-xperia-z2-3.jpg

الجهاز بينزل شهر ٤
ك مستخدم ل سوني
وولائي ل سوني…
اشوف هالجهاز مايفرق كثير ع اللي قبله
والافضل انتظر شهر ٨ بينزل اجدد منه ومواصفات افضل

شركة HTC عندها سيتم الاعلان عنه لاحقا…
وهنا اصدارات من الاجهزة اللوحية تابلت…بحاول اذكرها لاحقا.

اتمنى انكم استفدتم من هذا العرض…
اخوكم علي…

One Response

  1. نايف الشهرى
    نايف الشهرى March 23, 2014 at 00:32 |

    مشكور جدا اخى يسلمو

    Reply

Leave a Reply