ليييييش…ليش بس هم…واحنا لا…يصرفون لهم معاشات اعلى منا…يعاملونهم احسن منا…تخيل تخيل…حتى الجواز لونه غير عنا…
هل احنا اعيال البطه السوده…ترا كلنا نفس الشي…بعضنا الصبغ صاده تغيير ف الوكاله…يبقى من الوكاله…
الشكل يشبهني…خشم اذن عين حلج شعر…ماشوف عنده اوبشن اعلى مني… اي صح…اسم عائلته “الفلانيه”… اهااااا…قول كذا من الاول …عبالنا عندك سالفه…يلا ماتشوف شر…مانعرفك…
لحظة لحظة ماكملت موضوعي…هذي المقدمه بس…
سؤال يطرح نفسه…
الحين انا ك قطري ف بلادي قطر…وش لي من مميزات غير عن الغير قطري؟؟
اممم…ارض وقرض…ولازلنا ندفع لين انفنقش…
امتيازات ف الراتب…ضحكتني اضحك الله سنك…لصبغت شعري اشقر تعال قول لي امتيازات ف الراتب…
غيره؟؟….اممم تحمل الجواز القطري اللي يخليك اتطوف العالم بسهوله…خف علينا يا البريتيش…
طبعا انقول الحمدلله…ع نعمة الامن والامان والحياة الطيبة…لكن هذا لايمنع ببعض من الامتيازات…اللي اتخليني احس اني سبشل…وانا فعلا صاحب هذه البلاد…وما انضيع هوية المواطن نفس الدول المجاورة…اللي ماصارت تفرق بين الهندي والمواطن…ع راسي الهنود راجو وبابو وسينج…ماقصدت تقليل وانما قصدت مثال بين المواطن والغير المواطن…
يقولون ان وصل تعدادنا مليونين…لو انشيل الهنود والنيباليين والفلبينيين والبنقاليين والعرب …بنصفى ع كم مية الف… ف هذا الرقم يتطلب انك اتعامله معامله مختلفه…معاملة شيوخ…
مانطالب ب اشيا مستحيله لسمح الله ابدا…مثلا…
ف الطابور…ليش انخلي القطري يصف مع باقي الناس…سوو شباك خاص للقطري فقط… هذا شفنا شباك للنساء فقط…ماشوف حد اعترض…
ف المستشفيات…سوو قسم خاص وغرف خاصه…ولا تدرون…سوو مستشفى بكبره فقط للقطريين…
وغيره وغيره…
لحظة…كني اسمع اصوات اتقول عنصريه؟؟
ياللي مب عاجبك…لو كنت انت في بلادك…ماكنت تتمنى هالاشيا اتكون لك؟؟ لصدقت مع نفسك…تعال قول عني عنصري…
امممم…وانا اكتب ليش حسيت ان في شي غلط…في نقطه محيرتني…
ليش انا طالبت بهالمطالب؟؟ عشان اكون مميز ف بلادي… بس لما تتحقق هالمطالب…وش بيكون شعور الغير قطري؟؟ هل هذا عدل وانصاف؟؟؟ صحيح جاي يترزق ويستفيد…بس هم بعد هو انسان…وله مشاعر…وعايش معانا وبينا ووسطنا…رافجناهم وصادقناهم…وتزوجنا منهم… هل لما تتحقق هالمطالب بيكون بينا اي عشرة؟؟…او اي صداقة…ولا بيكون هناك حاجز بينا وبينهم…يمنعهم يحتكون فينا…
